Nuh peyğəmbər bütün canlıları bir gəmiyə sığdırdımı?

1) Heç bir ayədə tufanın bütün dünyanı vurduğu yazılmayıb( və ya anlaşılmır)

2)Hz.Nuh bəlirli bir qövmə göndərilmişdir.
Biz Nuhu öz qövmünə (peyğəmbər) göndərdik. (Ənkəbut 14)

3) Bu öz qövmü bütün insanoğlu ola bilməz,çünki Quranda Hz.Nuh hər zaman " ey qövmüm" (ya kavmi) deyə xitab edir.
Quranda "ey insanlar"(Ya eyyuhennasu) təbiri də mövcuddur cə dəfələrlə təkrarlanıb. Əgər bütün insanlıq olsaydı Nuh qissəsində "ey insanlar" təbirindən istifadə olunardı

4) Qövmü xaricində olan insanlar da tufana düçar ola bilməzdi,çünki Allah xəbərçi göndərmədən heç bir qövmü həlak etməyəcəyini deyir. Misal üçün:

Biz heç bir məmləkəti ora peyğəmbər göndərmədən məhv etmədik. Biz zalım deyilik (Şuəra 208-209)

Tufan müəyyən bir bölgədə olduğundan sadəcə o bölgədə olan heyvanlardan cüt halda gəmiyə yüklənir və bu mümkündür. Bəzi ateistlər Qurandakı "hər birindən bir cüt al" ifadəsindən istifadə edərək bütün canlılar haqqında danışıldığı iddiasındadırlar. Bu iddia isə məntiqsizdir. Hud surəsi 40-cı ayədə yazılıb:

" Nəhayət, əmrimiz gəldiyi və təndir qaynadığı zaman Biz (Nuha) dedik: “(Heyvanların )hər növündən bir cüt, barə­­lərində söz keçmiş kəslər istisna olmaqla, öz ailəni və bir də iman gətirənləri gəmiyə mindir”. (Əslində), onunla birlikdə az adam iman gətirmişdi. "

İndi belə bir izah gətirək. Yanan evdə birinin sizə " bütün əşyaları götürün" dediyini qəbul etsək siz bütün dünyadakı əşyaları götürün deyə başa düşərsiniz,yoxsa sadəcə evin içindəki əşyaları? Əlbəttə ki evin içindəki əşyaları. Nuh qissəsində isə Nuhun gördüyü canlı nəzərdə tutulur. Bütün dünyadakı canlıları deyə başa düşmək isə məntiqsizdir.